Салтанатын құра берер мәңгілік,

Өмірде бар – заңдылық.

«Жиған малым садағасы – жанымның,

Шыбын жаным садағасы – арымның...»

Бабамыздан бізге жеткен зор мұра –

Ар-ұятта бар мынадай формула:

Шың басында тұрсын десең ар кілең,

Мықты болсаң нәпсіңді жең – алдымен.

Нәпсі деген - өзімшілдік, менмендік,

Нәпсі құлын ашкөздікке теңгердік.

Түсінгенге, жеңе білу – нәпсіні,

Қасиеттің бақ-шыңы.

Танытыңыз естілік,

Өз-өзіңнен есеп алғын кешкілік.

Тіршіліктің ажырамас бөлшегі -

Әр ісіңнің болары анық өлшемі.

Көп көрсең де бұл жалғанның еңісін,
Есте сақта!

Алда сенің – жеңісің.

Көтеретін ер болсаңыз ар жүгін,

Адамдықпен өлшеу керек барлығын...